CURSO 2022-23

OBXECTIVO COMEDOR CUMPLIDO!

 

Como sabedes, levamos meses reclamando que se cociñe no noso centro a partires do próximo mes de setembro. Comprácenos informarvos de que a Consellería de Educación así o recolle nas condicións de licitación publicadas este mes de maio. As empresas que queiran a optar a levar os comedores do noso centro e os centros da contorna (CEIP Carlos Casares, CEIP da Cruz-Camos e CEIP Mallón) deberán cociñar nas nosas instalacións. En primeiro lugar, gustaríanos agradecer o apoio das ANPAS do CEIP Carlos Casares e o CEIP da Cruz-Camos polo seu apoio incondicional e por sumarse á nosa loita. Agradecemos tamén o apoio das familias, sen as cales as nosas mobilizacións non terían prosperado. Finalmente, queremos poñer en valor o traballo realizado durante anos pola anterior ANPA, que fixo que este proxecto sexa hoxe realidade conseguindo que se construira unha cociña no noso cole. A unión fai a forza, e coidamos que este é un bo exemplo delo.

Esperamos que este cambio sexa beneficioso para todos e que teña como resultado a mellor alimentación dos nosos fillos. Noraboa a tod@s!!

PROXECTO DE EDUCACIÓN AFECTIVO-SEXUAL INTEGRAL

Charla-taller do 15 de novembro de 2002 (17.00-19.00), Auditorio do Concello de Nigrán

Poderedes seguir a charla por streaming neste vínculo. Pregamos que vos rexistredes igualmente no formulario de inscripción para que nos quede constancia do seguimento (os que asistades presencialmente non precisades rexistrarvos). A continuación deixamos os materiais que precisaredes durante a charla (só se asistides online). 

2. Libro "Carabuñas"

Que o desfrutedes! 

Despois dun arduo traballo, dende a Anpa estamos moi orgullosos de comunicar que nos foi concedida dende a Xunta de Galicia, Secretaría Xeral de Igualdade, unha axuda dirixida ás asociacións de nais e pais de alumnos de centros educativos de Galicia coa finalidade de potenciar a  promoción de igualdade e a prevención da violencia de xénero.

Grazas a esta axuda, imos a crear un PROXECTO DE EDUCACIÓN AFECTIVO-SEXUAL para toda a comunidade educativa como ferramenta  útil e eficaz na promoción da igualdade e a prevención da violencia de xénero. Por unha banda, e en coordinación co centro formarase ao alumnado, adaptando a temática e formación as distintas idades, e por outro, realizarase unha escola de nais e pais para que podamos acompañar  os nosos fill@s en todo momento. Contaremos para levar a cabo o proxecto con Hadriana Ordóñez, licenciada en Psicoloxia pola Universidade de Santiago de Compostela e experta en saúde mental, violencia sexual, terapia sexual, violencia de xénero e trauma. 

O próximo 15 de novembro de 17.00 a 19.00 horas levarase a cabo, dentro de este proxecto unha charla-taller na que se abordaran os seguintes temas:

-Como sei eu que sexualidade ensinarlle ás miñas crianzas e que necesitan saber?

-Que medos teño eu en relación aos riscos en Internet/redes sociais?

A primeira parte será en formato ponencia seguida de actividades en grupos e levarase a cabo no Auditorio de Nigrán. Ademáis poderá seguirse online, sendo indispensable neste caso, inscribirse para recibir o enlace a ponencia.

Formulario de inscripción para a charla-taller do 15 de novembro de 2002 (17.00-19.00). 

 

 

FAITE SOCIO!

Xa podedes facervos socios da ANPA para o curso 2022-23! Estes son os pasos:

  1. Encher o cuestionario de alta (leva un minuto!) 
  2. Abonar 18 euros nesta conta: ES44 2100 4790 4302 0002 2923
  3. Mandarnos o resguardo do ingreso a anpahumbertojuanes@gmail.com

Lembrade que é esencial para poder matricularvos nas actividades extraescolares e o servizo de madrugadores.  

descarga   EXTRAESCOLARES 2022-23! 

Podedes consultar aquí a oferta que plantexamos. Se queredes matricularvos nalgunha actividade pregamos nos enviedes un correo electrónico a anpahumbertojuanes@gmail.com. 

Lembrade que para ter acceso ás actividades extraescolares é necesario ter aboada a cuota do Anpa.